O pasado sábado día 9 de Agosto disputouse a oitava edición do Torneo Festas do Monte. Nel participaron uns 60 xogadores de toda Galicia.

           Foi unha tarde moi tranquila e agradable para xogar o xadrez e a diferencia de outros anos non fixo tanta calor. Víronse partidas moi interesantes e foi un torneo moi disputado. Unha proba do disputado que foi o torneo é que a clasificación final foi encabezada por 4 xogadores con 6 puntos cada un. O final os sistemas de desempate decidiron o gañador, que nesta edición foi Xoel Pérez Mauricio.

Como finalización da temporada por parte da Escola de Xadrez Albatros vamos a publicar un artigo onde poden descargarse tódolos ficheiros en formato pdf que se empregaron ao longo do ano, que forman parte da colección "Campións do Mundo". Estes ficheiros poden descargarse por calquera persoa que o desexe. Son de uso libre.

A seguir aparece un listado ordeado por meses, dos trípticos, así como un ficheiro ao final onde podes atopar tódolos pdfs empregados para descarga única.

            A Escola de Xadrez Albatros de A Guarda despediu a presente tempada o pasado sábado día 28 de Xuño, cunha pequena xuntanza e celebración dun Torneo Interno de Xadrez entre tódolos alumnos da Escola.

            Este ano superamos os corenta rapaces, é un ano máis, temos o pracer de sinalar que imos batendo o noso teito en número de alumnos en cada edición.

          O Sábado 21 realizamos a derradeira entrega da serie “Campións do Mundo”. Nesta ocasión, e para pecha-la edición deste Curso Escolar o elixido foi José Raúl Capablanca.

          Este xogador, como posuidor do Campionato do Mundo de Xadrez, xa é un referente dentro do xogo, sen embargo, o que fai especial a Capablanca é que dentro da elite do xadrez mundial foi un pioneiro tanto nos apectos técnicos do xogo coma dos tácticos. Por iso non é estraño ver en partidas de Grandes Campións coma Fischer ou Kasparov, aspectos do xogo deste Grande Mestre. 

           O pasado día 14 celebrouse nas instalacións do Colexio Josefa Alonso de Vigo o XXII Aberto Escolar de Xadrez, posiblemente a cita máis veterana do xadrez vigués.

          Con este motivo a Escola de Xadrez Albatros realizou a súa segunda saída escolar cun grupo de vintecatro alumnos, converténdose na expedición máis numerosa do Torneo. 

          Alexander Alekhine foi un dos grandes da Historia do Xadrez. Destacou no seu xogo o desenvolvemento dunha táctica esquisita, que aínda hoxe protagoniza gran parte dos exercicios que se estudian nas Escolas.

          Este Grande Mestre tivo unha vida moi axetreada e chea de contratempos, entre outros, pasou  por dúas Guerras Mundiais, e tamén, foi de ser un heróe na Rusia Zarista, a perseguido e represaliado. Toda unha vida, que rematou na localidade de Estoril, a beira dun taboeiro de xadrez....

Trala entrega do tríptico adicado a Alekhine, este mes de xuño o adicaremos o seu gran rival, José Raúl Capablanca. Desta maneira daremos por finalizado a primeira entrega de "Campións do Mundo", unha colección adicada algúns dos Grandes Xogadores da Historia do Xadrez ós que quixemos rendir unha pequeña homenaxe.

Logo da entrega do tríptico ós nenos escribiremos un pequeno resumen do traballo desenvolvido, así como os obxetivos acadados con esta iniciativa. Ademáis nese mesmo artigo enlazaremos a tódolos trípticos en formato pdf que fomos facendo dende Outubro ata Xuño, e estará a disposición libremente de calquera que visite esta páxina web. Lembrar, por último, que existen nesta web partidas de Capablanca, en concreto na zona de descargas pódense descargar as partidas do enfrentamento contra Alekhine de 1926.