XXII Aberto Escolar de Xadrez Josefa Alonso

Menú principal

Escola Xadrez

Historia

Artículos

Últimas Novas

Buscador

Joomla Templates

XXII Aberto Escolar de Xadrez Josefa Alonso

Escrito por Daniel Lomba Alonso

Domingo, 15 Xuño 2008 16:32

O pasado día 14 celebrouse nas instalacións do Colexio Josefa Alonso de Vigo o XXII Aberto Escolar de Xadrez, posiblemente a cita máis veterana do xadrez vigués.

Con este motivo a Escola de Xadrez Albatros realizou a súa segunda saída escolar cun grupo de vintecatro alumnos, converténdose na expedición máis numerosa do Torneo.

O Aberto Escolar de Xadrez Fin de Curso Colexio Josefa Alonso é unha desas datas que temos marcadas no calendario na Escola, por tradición, bo facer e coidado dos xogadores, é unha cita das que paga a pena acudir. Por iso, a diminución na participación que sufriu este ano pola coincidencia con outro torneo do Circuito Galego de Xadrez, debería facer reflexionar a Federación Galega. O platexamento do Circuito debería ter un certo regulamento en canto as datas, xa que corremos o perigo que citas tan tradicionais, e Torneos que levan tantos anos promocionando o xadrez na zona, desaparezan, en beneficio de novas edicións que ademais de non ter asegurada a súa permanencia no tempo, en ocasións, parece contentarse coa acumulación de rapaces en detrimento da calidade organizativa dos mesmos.

En canto os resultados obtido polo rapaces da Escola, este ano temos que felicitarnos, xa que competitivamente, foi a nosa mellor saída ata de agora. Catro categorías configuraron o cadro do Torneo. Na categoría Pre-benxamín, fíxose coa primeira posición, o xogador da Escola Néstor Lomba Lomba (ACD Albatros A Guarda), que acadou a victoria nas seis roldas que completaban a competición. A segunda posición foi para Pablo Vidal Fernández (Lucena Vigo), con cinco puntos, e terceiro con catro puntos Unai Ortiz de la Lejaraza Martínez (Laroca Nigrán). Os demais rapaces da Escola obtiveron os seguintes resultados: Carlos Verde Santiago (5º, 3 ptos), Mateo Vilaplana Baz (6º, 3 ptos) e Andrés Vázquez Herrero (12º, 2 ptos).

Os Benxamíns tamén tiveron un dominador claro do noso xogador Daniel Lomba González (ACD Albatros), completando unha actuación estelar cun total de seis puntos nas seis roldas disputadas. Na segunda posición quedaron Anxo Rodríguez Álvarez (Xadrez Ponteareas) con 4,5 ptos e na terceira Cristian Morais Mayor (Laroca Nigrán), con catro puntos. Os demais rapaces da Escola obtiveron os seguintes resultados: Antía Lomba Moriño (6ª, 3,5 ptos), Carlos Reboredo Diego (7º, 3 ptos), Antonio Cernadas Garrido (9º, 3 ptos) e Ángela Araújo Verde (13ª, 2 ptos).

A Categoría Alevín gañouna Vincent Martques (Lucena Vigo), con seis puntos, que neste mes de xuño está acudindo a Escola. Na segunda posición, con cinco puntos, Javier Domínguez Carnero (Lucena Vigo), e na terceira posición, despois de remontar un mal comezo, con catro puntos, posicionouse Sabela Mouriño Lomba (ACD Albatros A Guarda). Os demais alumnos da Escola obtiveron os seguintes resultados: Roberto González Rodríguez (6º, 3 ptos), Víctor Martínez Pena (9º, 2 ptos) e Sergio González Correa (10º, 2 ptos).

Finalmente, na Categoría Infantil gañou Breixo Álvarez Domínguez (Laroca Nigrán) con seis victorias noutras tantas partidas. Coa segunda plaza fíxose o noso alumno Sergio Lomba González (ACD Albatros A Guarda) que só cedeu unha derrota ante o vencedor do Torneo. A terceira posición acadouna Samuel Rodríguez Alleres (Lucena Vigo). Os demais alumnos da Escola obtiveron os seguintes resultados: Germán Vilaplana Baz (4º, 4 ptos), Antonio Castro Alonso (6º, 3 ptos), Iván Verde Martínez (7º, 3 ptos), Guillermo Verde Santiago (8º, 3 ptos), Thais Portela Rodríguez (12º, 2 ptos) e Saúl Díaz Rodríguez (14º, 1,5 ptos).