A “Visualización” ou “Práctica imaxinada” é unha das técnicas máis recurrentes no aprendizaxe no deporte e no adestramento psicolóxico en xeral.

 

          Viswanathan Anand, revalidou o seu título de Campión Mundial de Xadrez, tras vencer no seu enfrontamento directo con Alexander Krammik, por 6,5 a 4,5, celebrado na localidade alemana de Bonn. 

 

Trala victoria neste enfrontamento, ademáis de revalida-lo título conquerido en México (2007), Anand unifica de modo definitivo o Título de Campión do Mundo Xadrez Clásico, nas súas diferentes versións competitivas e asociacións de xogadores.

Escribir comentario (0 Comentarios)

          A Escola de Xadrez Albatros ven de inaugurar a súa sección de Adultos. Hoxe sábado día 25, comezou o “Curso de Iniciación en Xadrez para Adultos”, orientada para persoas maiores de dezaoito anos, e que desexan achegarse o xogo dende as primeiras nocións.  

          Nesta primeira sesión, observouse un gran entusiasmo dentro dos participantes que compartiron o Local de Clases cos rapaces da Escola. Unha vez máis lembramos que a matrícula do Curso está aberta ó longo do ano a posibles incorporacións, e que non é necesario pertencer o Club de Xadrez Albatros, só ter gañas de aprender e de compartir. As clases desenvolveranse en horario de 12:00h a 13:00h., no salón do ático da Sociedade Recreo Artístico Guardés, na Rúa Puerto Rico, a entrada da Guarda.

           A Asociación Galega de Especialistas na Psicoloxía do Deporte e da Actividade Física, ven de celebrar as súas cuartas Xornadas, no Centro Sociocultural Don Bosco, en Santiago de Compostela, os pasados 10 e 11 de Outubro. 

          O xogador galego, David Lariño (MI, 2426) proclamouse o pasado domingo día 4 de Outubro, en Ceuta, novo Campión de España Absoluto, con tan só 19 anos.    

              

          O pasado sábado día 4 escomezamos de maneira oficial a novena edición do Curso de Inciación e Perfeccionamento en Xadrez que o Club ACD Albatros, a través da Escola de Xadrez Albatros, desenvolverá o longo deste Curso Académico 2008/2009.

           Un ano máis agradecemos  a tódolos pais que un ano máis depositan a confianza na Escola, e xa van nove, e aqueles que son novos nela dámolle-la benvida, e agardamos que queden satistafeitos co noso traballo. Tamén somos conscientes de que ó longo do ano iranse incorporando novos nenos, polo que lembramos que o Curso está aberto a novas incorporacións, que podedes formalizar, no Local de xogo tódolos sábados pola mañá de 10:00h a 13:00h. Tamén queremos sinalar que finalmente a "Escola de Adultos" dará comezado o vindeiro sábado 25, xa que se deu formado un número de participantes axeitado, polo que se calquera pai ou persoa interesada, aínda que non teña relación co Club ou a Escola, poderá incorporarse. Nun inicio a Escola de Adultos parte dun nivel totalmente inicial, partindo das reglas elementais, para aprender o xogo.

Benvidos  a todos, e recibide un cordial saúdo do Equipo Pedagóxico da Escola de Xadrez Albatros.

          Os vindeiros venres día 10, e sábado día 11 de Outubro, celebraráse nas instalacións do "Centro Don Bosco” en Santiago de Compostela a cuarta edición das Xornadas da Asociación Galega de Especialistas en Psicoloxía do Deporte e da Actividade Física (EPSIDE). 

          Nesta edición o título das Xornadas é "Adestrando deportiva-mente:Aportacións prácticas da Psicoloxía do Deporte". Os membros de EPSIDE queren facer un chamamento a todas aquelas persoas involucradas no mundo do deporte en xeral, ou ben, interesadas polos distintos campos do traballo psicolóxico, a que se acheguen ás Xornadas e participen cun espíritu activo e colaborador, xa que como ven sendo norma neste tipo de xuntanzas, a idea fundamental é compartir experiencias e enriquecer a tódolos participantes en coñecemento aplicado, e quen sabe, se poden xurdir proxectos de traballo ou iniciativas conxuntas de cara o futuro. Daquela, tódalas persoas que teñan algún tipo de inquedanza en calquera aspecto, e desexen plantexar as súas experiencias ou ter acceso as ponencias e os coloquios, teñen as portas abertas para participar, sen ningún outro requisito máis alá da inscrición.

             A Escola de Xadrez de Albatros quere poñer en coñecemento de todos aqueles interesados en participar na próxima edición do noso Curso de Perfeccionamento e Aprendizaxe de Xadrez que a partires do día 2 de Setembro abriremos o prazo de inscrición.          

          As clases darán comezo a partir do día  20 de Setembro, (ás 11:00h) e terán lugar nas instalacións da Sociedade Recreo Artístico Guardés, que un ano máis cédenos amablemente, e que dende aquí mostrámoslle o noso agradecemento público. Nestas primeiras sesións realizaremos unha serie de actividades para que os rapaces novos tomen contacto co xogo e coa dinámica das clases, e compartan cos antigos alumnos diferentes facetas dentro do xadrez. Ademais aproveitaremos para confeccionar os distintos grupos segundo o nivel dos participantes, para que a partires do 4 de Outubro dar comezo oficial ó Curso 2008-09.            

          Unha das novidades que presentaremos este ano vai ser a “Escola de Adultos”, polo que se hai algún pai, nai, ou persoa adulta interesada en aprender ou en lembrar o xogo, ou simplemente, que lle apeteza botar unhas partidas e compartir o tempo, tamén se pode inscribir. Daquela, dependendo da cantidade de xente que se reúna e dos intereses comúns planificaremos a dinámica de funcionamento ó longo do Curso. 

         Todos aqueles rapaces comprendidos entre os 6 e os 17 anos, e os adultos interesados, poderán anotarse a partir do 2 de Setembro na sede do Club na Cafetería Albatros (Tlf: 986 611 121), ou ben poñéndose en contacto a través do correo electrónico Este enderezo de correo-e está a ser protexido de robots spamers, precisas activar o JavaScript para velo    á atención de Daniel Lomba Alonso (Director da Escola de Xadrez Albatros.)