A Escola de Xadrez de Albatros quere poñer en coñecemento de todos aqueles interesados en participar na próxima edición do noso Curso de Perfeccionamento e Aprendizaxe de Xadrez que a partires do día 2 de Setembro abriremos o prazo de inscrición.          

          As clases darán comezo a partir do día  20 de Setembro, (ás 11:00h) e terán lugar nas instalacións da Sociedade Recreo Artístico Guardés, que un ano máis cédenos amablemente, e que dende aquí mostrámoslle o noso agradecemento público. Nestas primeiras sesións realizaremos unha serie de actividades para que os rapaces novos tomen contacto co xogo e coa dinámica das clases, e compartan cos antigos alumnos diferentes facetas dentro do xadrez. Ademais aproveitaremos para confeccionar os distintos grupos segundo o nivel dos participantes, para que a partires do 4 de Outubro dar comezo oficial ó Curso 2008-09.            

          Unha das novidades que presentaremos este ano vai ser a “Escola de Adultos”, polo que se hai algún pai, nai, ou persoa adulta interesada en aprender ou en lembrar o xogo, ou simplemente, que lle apeteza botar unhas partidas e compartir o tempo, tamén se pode inscribir. Daquela, dependendo da cantidade de xente que se reúna e dos intereses comúns planificaremos a dinámica de funcionamento ó longo do Curso. 

         Todos aqueles rapaces comprendidos entre os 6 e os 17 anos, e os adultos interesados, poderán anotarse a partir do 2 de Setembro na sede do Club na Cafetería Albatros (Tlf: 986 611 121), ou ben poñéndose en contacto a través do correo electrónico Este enderezo de correo-e está a ser protexido de robots spamers, precisas activar o JavaScript para velo    á atención de Daniel Lomba Alonso (Director da Escola de Xadrez Albatros.)

                    Un ano máis acudimos a Festa da Istoria onde se celebra unha interesante partida de Xadrez, onde os protagonistas son os rapaces que representan as diferentes pezas do xogo.  

                    Dentro do Castelo de Ribadavia, e a pesares das inclemencias do tempo que obrigaron a suspender a partida alomenos nunha ocasión, fomos testigos do entusiamo e a ilusión que esperta nos nenos este tipo de actividades.

Unha breve nova para dicir que migramos a páxina web do Club Albatros dende a versión do xestor de contidos Joomla 1.0.15 ata a versión 1.5.6. A versión antiga pode verse no ligazón situado na barra superior. De momento non está previsto subilas fotos que están na versión antiga, posto que estamos decidindo que facer con elas. O mellor as seguimos subindo pero na página antiga.

Disculpade as molestias se encontrades algún erro.

           O pasado sábado día 9 de Agosto disputouse a oitava edición do Torneo Festas do Monte. Nel participaron uns 60 xogadores de toda Galicia.

           Foi unha tarde moi tranquila e agradable para xogar o xadrez e a diferencia de outros anos non fixo tanta calor. Víronse partidas moi interesantes e foi un torneo moi disputado. Unha proba do disputado que foi o torneo é que a clasificación final foi encabezada por 4 xogadores con 6 puntos cada un. O final os sistemas de desempate decidiron o gañador, que nesta edición foi Xoel Pérez Mauricio.

Como finalización da temporada por parte da Escola de Xadrez Albatros vamos a publicar un artigo onde poden descargarse tódolos ficheiros en formato pdf que se empregaron ao longo do ano, que forman parte da colección "Campións do Mundo". Estes ficheiros poden descargarse por calquera persoa que o desexe. Son de uso libre.

A seguir aparece un listado ordeado por meses, dos trípticos, así como un ficheiro ao final onde podes atopar tódolos pdfs empregados para descarga única.

            A Escola de Xadrez Albatros de A Guarda despediu a presente tempada o pasado sábado día 28 de Xuño, cunha pequena xuntanza e celebración dun Torneo Interno de Xadrez entre tódolos alumnos da Escola.

            Este ano superamos os corenta rapaces, é un ano máis, temos o pracer de sinalar que imos batendo o noso teito en número de alumnos en cada edición.

          O Sábado 21 realizamos a derradeira entrega da serie “Campións do Mundo”. Nesta ocasión, e para pecha-la edición deste Curso Escolar o elixido foi José Raúl Capablanca.

          Este xogador, como posuidor do Campionato do Mundo de Xadrez, xa é un referente dentro do xogo, sen embargo, o que fai especial a Capablanca é que dentro da elite do xadrez mundial foi un pioneiro tanto nos apectos técnicos do xogo coma dos tácticos. Por iso non é estraño ver en partidas de Grandes Campións coma Fischer ou Kasparov, aspectos do xogo deste Grande Mestre.